تعلموا يا بنات

ملك .. سأل الشعب .. سؤال وقال اللي يجاوب عليه صح ..!!
راح اعطيه فلووس مرة كثيير وكل شي يبغاه
والسؤال هو
ايش اكثر شي وايش اكبر شي ..؟؟؟؟

راح الخادم .. على بيته وقاعد يفكر ..
جته بنته .. وقالت : ايش فيك ؟؟
قام قالها : الملك اليوم سأل الشعب سوال وقال اللي يجاوب عليه .. راح
يعطيه فلوس وكل اللي يبغاه وانا مو عارف الإجابة..
البنت : ايش هو السؤال ..؟؟
الخادم : ايش اكثر شي وايش اكبر شي ..؟؟
البنت : روح عند الملك وقله اكبر شي ارضك واكثر شي مالك ..

راح الخادم عند الملك وقاله : ياملك انا لقيت اجابة لسؤالك ..
قال الملك : تفضل ..
الخادم : اكثر شي مالك وا أكبر شي ارضك ..
الملك : مين قلك الإجابة ..؟؟؟
الخادم: بنتي..

الملك: طيب روح قلها..
لابسة ومهب لابسة.. ماشية ومهب ماشية.. هدية ولا مو هدية ؟؟؟

الخادم راح عند بنته وقالها .. : الملك يقولك
لابسة ومهي لابسة.. ماشية ومهي ماشية .. هدية ولا مو هدية ؟؟؟

البنت : طيب روح جيب لي شبكة .. وغنمة .. ولحمة ..
استغرب الخادم من الطلبات بس راح وجابها ..
لبسة البنت الشبكة وركبت الغنمة .. ومسكة الحمة وراحت ودخلت عند الملك ..
وقالت : ياملك .. انا لابسة شبكة ومو لابسة ..
وماشية بس مو على رجولي على غنمة..
وهذي لحمة انت تعتبرها هدية ولا مو هدية..
الملك.. اعجب بذكاء البنت وقال لها هل تتزوجيني؟؟

تزوجت بنت الخادم الملك .. وعاشو في سبات ونبات .. وخلفوا صبيان وبنات

المهم ....
وبعد سنين .. كان في خادم من الخدم اعطاه الملك حصان هدية ..
وفي يوم نام الخادم ونسي انه يأكل الحصان قام هاج الحصان..
فجاه الملك وطرد الخادم وقاله هات الحصان ورووح..
راح الخادم وهو زعلااان <<مسكين يكسر الخاطر ..
المهم شافته الملكة .. وقالتله ايش فيك ..
قالها: الملك طردني واخذ مني الحصان..
قامت قالتله: خذ صنارة ةاقعد اصطاد بالحديقة على العشب <<< طبعا مافي نهر ولا شي..
ولو جاك الملك وقالك ايش تسوي قله اذا انت مارزقتني يمكن ربي يرزقني..

سوا الخادم زي ماقالتله الملكة ..
جاه الملك .. وقاله ايش قاعد تسوي..؟؟
الخادم : اذا انت مارزقتني يمكن ربي يرزقني..
قام الملك قاله : مين قلك تقول كدا..
الخادم: الملكة..

عصب الملك .. وطفش من ذكاء البنت دي ..
وراحلها .. وقالها : شوفي يابنت الناس .. لمي اغراضك .. ورحي على بيت
اهلك ... بس قبل ماتروحي. سويلي شاي .. وخذي اغلى شي عندك <<<< الظاهر
انه اصله سعودي ...

المهم .. قامت البنت سوتله شاي وحطتله فيه مــنـوم <<< ..

المهم صحي الملك .. ولقى نفسه في بيت الخادم << ابو البنت ..
قام قال :: ايش اللي جابني هنا ..!!!!!
البنت : مو انت قلتلي روحي بيت اهلك وخذي اغلى شي عندك ..!!

وانت اغلى شي عندي